राष्ट्रिय स्वतन्त्र पार्टी (रास्वपा) का सभापति तथा प्रतिनिधिसभा सदस्य रवि लामिछानेले भ्रष्टाचारविरुद्ध एक हुन सबैमा आह्वान गरेका छन् । शनिबार काठमाडौंमा हुन लागेको ‘भ्रष्टाचारविरुद्ध हामी विरोधी’ कार्यक्रमलाई समर्थन जनाउँदै उनले यस अभियानलाई सबैले साथ दिन आह्वान गरेका हुन् ।
भ्रष्टाचार देशको साझा दुस्मन भएको उल्लेख गर्दै लामिछानेले पार्टीको झण्डा, नारा नबोकी रास्वपा समर्थक सकेसम्म यस विरुद्धको अभियानमा सहभागी हुन अपिल गरेका छन् ।
‘भ्रष्टाचार यो देशको साझा दुस्मन हो । त्यसैले म दलको नेता भएर होइन सचेत नागरिक भएर यही कार्यक्रममा सहभागी हुँदैछु । राम्रो काम जसले गरे पनि सघाउनुपर्छ । देशभर यस्ता कार्यक्रम जहाँ जसले गरे पनि पार्टीको झण्डा, नारा नबोकी रास्वपा समर्थकहरू सकेसम्म सहभागी हुनु होला,’ लामिछानेले शुक्रबार बिहान सामाजिक सञ्जालमा लेखेका छन्, ‘भ्रष्टाचारविरुद्ध एक हौँ, नेपाल प्रहरीलाई धन्यवाद र थप हौसला दिन सहभागी बनौँ ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
