नेपाली चलचित्र नम्बरी सुनको टाइटल गीत सार्वजनिक भएको छ । सोमबार काठमाडौंमा एक कार्यक्रमको आयोजना गरी चलचित्र नम्बरी सुनको टाइटल गीत सार्वजनिक गरिएको हो । 

राजु गिरीको निर्देशन रहेको  चलचित्रमा पात्र गौरव पहारी, नम्रता सापकोटा, सरोज खनाल, बुद्धि तामाङ, राजाराम पौडेल र किरण नेपाली फिचर्ड रहेका छन् । 

कार्यक्रममा बोल्दै अभिनेता गौरव पहारीले गीत एकदमै राम्रो रहेको बताए । त्यस्तै, अभिनेत्री नम्रता सापकोटाले गीत राम्रो बनेको र गाउँमा फ्रेस भएर सुटिङ गर्न पाउँदा धेरै खुसी लागेको बताइन् । 

आगामी भाद्र १ गतेबाट प्रदर्शनमा आउने यस चलचित्रमा राजेन्द्र खड्गी, बुद्धि तामाङ, सविन बास्तोला, विनोद न्यौपाने र गीता अधिकारीलगायतका कलाकारको अभिनय रहेको छ । 

सुवर्ण शिभान्स प्रोडक्सनको ब्यानरमा निर्माण हुने यस चलचित्रमा शिवम अधिकारीको पटकथा तथा संवाद छ । सरोज खाती, सविन खाती र मनोज रिजालले चलचित्रमा लगानी गरेका छन् । चलचित्रले ७० वर्ष अघिको नेपाली समाजको कथा चित्रण गर्ने भएको छ ।