काठमाडौं– पाथीभरामा दुर्घटना भएको डाइनेस्टी एयरलाइन्सको हेलिकोप्टर उडान भरेको केही मिनेटमा नै दुर्घटनाग्रस्त भएको स्थानीय प्रत्यक्षदर्शीले बताउँछन् ।
‘हेलिकोप्टर उडान भर्दा मौसम राम्रो थिएन, ठूलो हावा चलेको थियो,’ स्थानीय होटल व्यावसायी सुरज भट्टराईले भने, ‘पाँचै मिनेट पछि मौसम सफा भएको थियो । पाँच मिनेट पछि मात्र उडान भरेको भए केही नहुँदो रहेछ ।’
दुर्घटनास्थलमा सबैभन्दा पहिले पुगेका थिए, सुरज भट्टराई । पहाडको कोँचमा त्यति बेला बटारिएर आएको हावाले हेलिकोप्टरलाई असन्तुलित बनाएको र दुर्घटना भएको हुनसक्ने उनी र उनीसँगै त्यहाँ पुगेका नेपाल प्रहरीका हवल्दारले अनुमान गरेका छन् ।
‘यहाँ हेर्दा तीनवटा चट्टानमा हेलिकोप्टर ठोक्किएको जस्तो देखिन्छ,’ उनले भने, ‘त्यसपछि भुइँमा बजारिएको हुनसक्छ ।’ हेलिकोप्टरको पखेटाबाहेक सबै भाग आगोले डढेर खरानी भएको पनि उनले बताए । ‘पखेटा चाहिँ केही पर उछिट्टिएको छ,’ उनले भने ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।