गत वर्ष अभिनेत्री निशा अधिकारीले पति क्रिकेटर शरद भेषवाकरविरुद्ध अंशबण्डाको मुद्दा दायर गरेपछि उनीहरूका दाम्पत्य जीवनमा दरार आएकाे थियाे ।  

निशाले शरदविरुद्ध गत भदौ २८ गते काठमाडौं जिल्ला अदालतमा अंश मुद्दा दायर गरेकी थिइन् । उक्त मुद्दामा अदालतले सुनुवाइ गर्दै अदालतले शरदको अंशको फाँटवारी पेस गर्न आदेश पनि दिएको थियो । 

बुधबार भने शरद र निशा एक पारिवारिक कार्यक्रममा एकसाथ देखिएका छन् । उनीहरू छोरा युवानको पाँचौँ जन्मदिन मनाउने कार्यक्रममा सँगै देखिएका हुन् । 

निशाले सामाजिक सञ्जालमा छोराको जन्मदिन मनाउँदै गर्दाको संयुक्त तस्बिर सार्वजनिक गरेकी हुन् । 

२०७४ सालमा निशा र शरदबीच विवाह भएको थियो ।२०७५ सालमा निशाले अमेरिकामा छोरालाई जन्म दिएकी थिइन् ।