नेपाली कांग्रेसका सांसद प्रदीप पौडेलले एकपटक भ्रष्टाचारविरूद्ध कडा नजिर स्थापित गर्नुपर्ने बताएका छन् ।

प्रतिनिधिसभाको सोमबारको बैठकमा बोल्दै सांसद पौडेलले अहिले ठूला भ्रष्टाचार काण्डहरूको फाइल खोल्ने उपयुक्त बेला भएको बताएका हुन्।

भ्रष्टाचारविरूद्ध सरकारले अभियान नै सञ्चालन गर्ने बाचा नीति तथा कार्यक्रममा रहेको भन्दै उनले भने, ‘नक्कली भुटानी शरणार्थी काण्डलगायत जनताले ठूलो भ्रष्टाचारको आशंका गरेका काण्डहरूको फाइल खोल्ने यो उपयुक्त समय हो ।’

जनताले चाहेको मुख्य विषय सुशासन भएकाे भन्दै उनले भने, ‘एकपटक हामीले भ्रष्टाचारका विरूद्ध कडा नजिर स्थापित गर्‍यौँ भने भ्रष्टाचार नियन्त्रणको यो अभियान कोसेढुंगो साबित हुनेछ ।’