हिमाल आरोही कामीरिता शेर्पाले २८ औँपटक सर्वोच्च शिखर सगरमाथाको सफल आरोहण गरेका छन् । योसँगै उनले सर्वाधिक सगरमाथा आरोहण गर्ने कीर्तिमान फेरि आफ्नो नाममा गरेका छन् । 

सोमबार पासाङदावा शेर्पाले २७ औँपटक सगरमाथा चढेर कामीरितासँगको कीर्तिमान बराबर गरेका थिए । तर, केही घण्टाको अन्तरमै कामीरिताले पासाङलाई पछि पार्दै फेरि आफ्नो नाममा कीर्तिमान लेखाए ।  

उनी यही ३ जेठमा २७ औँपटक सगरमाथाको चुचुरोमा पुगेका थिए । खुम्बु पासाङल्हामु गाउँपालिकाको थामेका ५३ वर्षीय कामिरिताले सबैभन्दा धेरै पटक सगरमाथा आरोहणसँगै आठपटक चो ओयु, तीनपटक मनास्लु, एकपटक ल्होत्से, एक पटक केटु गरी ३९ पटक विश्वका अग्ला हिमालको आरोहण गरिसकेका छन् ।

उनले सबैभन्दा पहिले २०५१ मा सगरमाथाको सफल आरोहण गरेका थिए । कामीरिता र पासाङबीच सगरमाथा आरोहणका लागि तीव्र प्रतिस्पर्धा भइरहेको छ । 

दावा यो सिजनमा फेरि सगरमाथा चढ्दै कामीरितासँगको कीर्तिमान बराबरी गर्ने सम्भावना छ ।