बुधबार सेयरबजारमा हरियाली छाएकाे छ । साताको चौथो दिन नेप्से सूचक आज १६ अंकले बढेर १९५९ विन्दुमा कायम भएको हाे । 

बैंकहरुको ब्याजदर अझै घट्ने संकेत देखिएपछि दुई दिनयता सेयरबजारमा बढोत्तरी छाएकाे हाे । 

नेप्सेमा सूचीकृत २७० कम्पनीको ४८ लाख ६५ हजार ४७५ कित्ता सेयर किनबेच हुँदा एक अर्ब ८७ करोडमाथिको कारोबार भएको छ ।

नेप्सेमा रहेका १३ उपसूचकमध्ये आज फाइनान्स, हाइड्रोपावर र म्युचुअल फण्ड उपसूचकबाहेकका सबै उपसूचकमा हरियाली छाएको छ । सर्वाधिक आज उत्पादन तथा प्रशोधन उपसूचकको ४.६९ प्रतिशत र होटल तथा पर्यटन उपसूचकको ४.४७ प्रतिशतले बढेको छ ।