स्पेनिस ला लिगा फुटबलमा रियल मड्रिडले रायो भ्यालेकानोलाई २–१ ले हराएको छ । गएराति सम्पन्न खेलमा रियलको जितमा करिम बेन्जिमा र  रोड्रिगोले गोल गरे ।

भ्यालेकानो​​का लागि राउल डी टोमसले १ गोल फर्काए । खेलको ३१ औँ मिनेटमा बेन्जिमाले गोल गर्दै रियललाई सुरुआती अग्रता दिलाए । ८४ औँ मिनेटमा राउल डी टोमसले गोल गर्दै भालेकानोलाई १–१ गोलको बराबरीमा ल्याए ।

खेलको ८९ औँ मिनेटमा रोड्रिगोले गोल गर्दै रियललाई २–१ को रोमाञ्चक जित दिलाए । जितसँगै रियलले ३६ खेलबाट ७४ अंक जोडेको छ । ऊ दोस्रो स्थानमा छ । ११ औँ स्थानमा रहेको भालेकानोले ४६ अंक जोडेको छ ।