बजेट सार्वजनिक भएको भोलिपल्ट मंगलबार सेयर बजारमा ठूलो गिरावट आएको छ । मंगलबार सेयर बजार परिसूचक नेप्से ५३.१६ अंकले घटेको हो । 

आगामी वर्षको बजेटमा माग सम्बोधन नभएकाे लगानीकर्ताकाे गुनासाे छ । साेही कारण सेयर बजार घटेको लगानीकर्ता बताउँछन् ।

बजेटपछिको पहिलो दिनको कारोबार दिनमा ५३.१६ अंकले घटेको नेप्से १८ सय ८८.६१ अंकको विन्दुमा झरेको छ । आज १३ वटै उपसूचक ऋणात्मक हुँदै बजार नै राताम्य भएको छ ।

नेप्से घटे पनि कारोबार रकम २ अर्ब नाघेको छ। आज २७५ स्टकको ४० हजार ६३४ पटकको कारोबारमा २ अर्ब ३४ करोड १७ लाख रुपैयाँ बराबरको ७० लाख ७४ हजार कित्ता सेयर खरिदबिक्री भएको छ।

आत्मनिर्भर लघुवित्त वित्तीय संस्थाको सेयर मूल्यमा भने सकारात्मक सर्किट लागेको छ ।