logo-img

प्रतिनिधि सभाको बैठक जारी [लाइभ]
फाइल तस्बिर

प्रतिनिधि सभाको बैठक सुरु भएको छ । आइतबार प्रतिपक्ष दलहरूको विरोधका कारण स्थगित प्रतिनिधि सभाको बैठक आज बसेको हो । आजको बैठकमा सभामुखले राष्ट्रपतिको कार्यालयबाट प्राप्त विधेयक प्रमाणीकरण र कार्यभार तोकिएको पत्रको ब्यहोरा पढेर सुनाउने सम्भावित कार्यसूची छ ।  

त्यस्तै, राजश्व र व्ययको वार्षिक अनुमानमाथि छलफलका लागि अर्थमन्त्री डा. प्रकाशशरण महतले वक्तव्यसहित आर्थिक वर्ष २०८०/०८१ को राजश्व र व्ययको वार्षिक अनुमानमाथि छलफल गर्न प्रस्ताव प्रस्तुत गर्नेछन् । त्यसपछि उक्त प्रस्तावमाथि छलफल सुरु हुने संसद् सचिवालयले जनाएको छ । आजको बैठकमा सभामुखले दुईवटा शोक प्रस्ताव प्रस्तुत गर्ने कार्यसूची पनि छ ।

आइतबार नेकपा एमाले, राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) ले नागरिकता विधेयक प्रमाणीकरणको प्रक्रिया गलत भएको भन्दै विरोध गरेका थिए । तत्कालीन राष्ट्रपति विद्यादेवी भण्डारीले रोकेको विधेयक राष्ट्रपति रामचन्द्र पौडेलले यही १७ जेठमा प्रमाणीकरण गरेका थिए । 





  • प्रकाशित मिति : जेठ २२, २०८० साेमबार ११:३९:३४

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया