कालिकोटमा जिप दुर्घटना हुँदा दुईजनाको मृत्यु भएको छ । कालिकोटका प्रहरी प्रमुख डिएसपी जयश्वर रिमालका अनुसार बिहीबार बिहान जिल्लाको रास्कोट नगरपालिका–२ सेरामा जिप दुर्घटना हुँदा दुई जनाको मृत्यु भएको हो । 

ग ३  च ४६१०  नम्बरको बोलेरो जिप दुर्घटना हुँदा रास्कोट–१ का ४३ वर्षीय मनबहादुर शाही र ३६ वर्षीया मनकुमारी शाहीको मृत्यु भएको डिएसपी रिमालले जानकारी दिए । 

चालकले गाडी स्टार्ट गरेर जुत्ता लगाउन गएका बेला गाडी ब्याक हुँदा दुर्घटना भएको प्रहरीले जनाएको छ । दुर्घटनामा घाइते ऋतु सिंहको अवस्था गम्भीर छ ।