Sun, 05 Apr, 2020


सरकार र ग्यास व्यवसायीबीचको वार्ता सहमतिउन्मुख
फरकधार / फागुन २१, २०७५

काठमाडौं– ग्यासको कमिसन बढाउनुपर्ने तथा नेपाली ग्यास उद्योगको नेपाली नम्बरका निजी बुलेट सञ्चालन गर्न पाउनुपर्ने माग राख्दै आएका व्यवसायी र सरकारबीचको अनौपचारिक वार्ता सहमतिउन्मुख देखिएको छ । नेपाल ग्यास विक्रेता संघसँग सम्बन्धित सरकारी निकायले अनौपचारिक वार्तामार्फत निकास निकाल्ने तयारी गरिरहेको छ ।  



निगमले भारतबाट खाना पकाउने ग्यास आयात निरन्तर रूपमा भइरहेकाले बजारमा अभाव नरहने जनाएको छ । निगमले स्वचालित मूल्य प्रणालीमा पेट्रोलियम पदार्थको मूल्य निर्धारण गर्दै आएको छ । 

उद्योगीले ग्यासको पिडिओ खरिद गर्न बन्द गरेसँगै व्यापारीले बजारमा कृत्रिम अभाव सिर्जना गरेको अनुगमनमा पाइएको छ । बजारमा पर्याप्त ग्यास हुँदाहुँदै विक्रेताले उद्योगबाट नआएको भन्दै बिक्री बन्द गरेका छन् । नेपाल आयल निगमका कार्यकारी निर्देशक सुरेन्द्रकुमार पौडेलले सो विषयमा चाँडै सहमति हुने अपेक्षा लिइएको बताएका छन् । 

वाणिज्य, आपूर्ति तथा उपभोक्ता संरक्षण विभागको अनुगमनले पर्याप्त मात्रामा ग्यासको आपूर्ति हुँदाहुँदै पनि कृत्रिम अभाव सिर्जना गरिएको आशंकामा तीन दिनदेखि बजार अनुगमनलाई तीव्र पारेको छ । 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्