एजेन्सी– अमेरिकी राष्ट्रपति डोनाल्ड ट्रम्पले आफूलाई बारम्बार होनाहार विद्यार्थीका रुपमा देखाउँदै आएका छन् । उनले आफूले स्कुलमा राम्रो पढेको पनि तर्क गर्दै आएका थिए । तर, अब उनी समस्यामा पर्ने निश्चित जस्तै भएको छ । उनले पढेको स्कुलले उनका साथीहरुको दबाबका कारण अहिलेसम्म उनको नतिजा सार्वजनिक नगरेको बताएको छ । अमेरिकामा एउटा सैनिक विद्यालयले ट्रम्पले स्कुलमा पढ्दा ल्याएको अंकहरु सन् २०११ मा लुकाएको जनाएको हो ।

अमेरिकी पत्रिका वासिङ्टन पोस्टको एउटा रिपोर्टका अनुसार स्कुलले उनका साथीहरुले निकै धेरै तनाब दिएपछि ट्रम्पको एकेडेमिक सर्टिफिकेट लुकाएको जनाएको हो । ट्रम्पले आफूलाई राम्रो विद्यार्थी भएको दाबी गर्दै आउनु, पूर्वराष्ट्रपति बाराक ओबामाको शैक्षिक स्तरबारे प्रश्न उठाउनुलगायतका विषयले गर्दा यो कुराले ट्रम्पलाई समस्यामा पार्न सक्छ । 

ट्रम्पको स्कुलका हेडमास्टर रहेका इवान जोन्सले पत्रिकालाई ट्रम्पको दाबी गलत भएको पनि बताएका छन् । ट्रम्पले त्यो स्कुलमा पाँच वर्ष पढेका थिए ।