नागढुंगा–नौबिसे सुरुङमार्गको आकस्मिक कामका लागि प्रयोग हुने ‘रेस्क्यु टनेलको ‘ब्रेक थ्रु’ भएको छ । सोमबार चार वर्षअगाडि शिलान्यास भई निर्माण थालिएको रेस्क्यु टनेलको सुरुङमार्ग निर्माणको काम पूरा भएको हो । 

सुरुङमार्ग निर्माणको क्रममा एक मिटर रेस्क्यु टनेललाई भौतिक पूर्वाधार तथा यातायातमन्त्री प्रकाश ज्वालाको उपस्थितिमा ‘ब्रेक थ्रु’ गरिएको हो । ब्रेक थ्ररूमा उपस्थित कार्यक्रमा बोल्दै मन्त्री ज्वालाले नागढुंगा–नौबिसे सुरुङ मार्गको रेस्क्यु टनेलको ‘ब्रेक थु्र’ भएसँगै नेपालको यातायात क्षेत्रमा सुरुङ युगमा प्रवेश गरेको बताए । 

मन्त्री ज्वालाले नेपाल पहाडले भरिएको देश भएकाले छिटो छरितो यातायातको लागि देशमा सुरुङ मार्गको आवश्यकता रहेको बताए । नागढुंगा–नौबिसे सुरुङमार्गको आकस्मिक रेस्क्यू टनेल ‘ब्रेक थ्रु’ भएको र केही महिनापछि मुख्य टनेलको पनि ‘ब्रेक थ्रु’ गरिने उनले बताए । सरकारले नियमित रूपमा अनुगमन गरी सुरुङमार्ग निर्माणको कामलाई छिटोभन्दा छिटो सम्पन्न गरी एक वर्षभित्रै टनेलमा यातायातका साधन सञ्चालनमा ल्याउने गरी काम गर्ने प्रतिबद्धता जनाए । नागढुंगा–नौबिसे सुरुङमार्गको आकस्मिक ‘रेस्क्यु टनेलको ‘ब्रेक थ्रु’ हुँदा अत्यन्त गौरवको अनुभूति भएको बताए । 

आजको दिन नेपालको यातायात क्षेत्रको लागि ऐतिहासिक दिन भएको पनि उनले उल्लेख गरे । उनले नेपाल सरकार अब निरन्तर रूपमा सुरुङमार्ग निर्माणको अभियानमा लाग्ने बताए । उनले सुरुङमार्ग बनाउन सहयोग गर्ने जापान सरकार जाइकालाई धन्यवाद दिए । 

सोमबार ब्रेक थ्रु भएको रेस्क्यु टनेलको लम्बाइ २.५ किलोमिटर रहेको  भने २.६ किलोमिटर लम्बाइको मुख्य टनेलको काम करिब १८ प्रतिशत बाँकी रहेको छ । नागढुंगा–नौबिसे सुरुङमार्गको निर्माणको काम जापानी ठेकेदार कम्पनी हाजमा–आन्दो जेभीले गरिरहेको छ । 

नागढुंगा सुरुङमार्गको डिजाइन जापान सरकारको साढे १३ अर्ब रुपैयाँको सहयोगमा निर्माण भएको हो । सुरुङसम्म पहुँचमार्गका लागि गुर्जुधारा चोक र सुरुङको मुखनजिकै २ वटा फ्लाइओभर समेतसँगै बनिरहेका छन् । उक्त आयोजना २०७६ कात्तिक ४ मा शीलान्यास गरेका थिए । 

शीलान्यास भएको ४२ महिनामा निर्माण सम्पन्न गर्ने लक्ष्य राखेर काम सुरु भएको थियो । तर, कोरोना, लकडाउन र मुआब्जालगयतका अवरोधले सुरुङमार्ग निर्माणमा ढिलाइ भएको हो ।