एजेन्सी– पछिल्लो समय सबैभन्दा चर्चामा रहेको सामाजिक सन्जाल हो, टिकटक । नेपालबाट पनि टिकटकमा दैनिक हजारौँ भिडियोहरु अपलोड भइरहेका छन् । सबैभन्दा कान्छो विश्वमा तहल्का मच्चाइरहेको यो सामाजिक सन्जालले चाहिँ अब नयाँ फिचर थपेको छ । अब टिकटकमा आउने कमेन्ट्सहरु फिल्टर गर्न सकिने भएको हो । 

टिकटकले यो सुरक्षा फिचरलाई नाम दिएको छ– फिल्टर कमेन्ट्स । अब टिकटकमा भिडियो अपलोड गर्नेहरुले कस्ता शब्द भएका कमेन्टहरु ब्लक गर्ने भन्ने पहिले नै सेटिङबाट छान्न पाउँछन् । उनीहरुले हिन्दी, अंग्रेजी तीस वटा शब्दलाई पहिले नै ब्लक लिस्टमा राख्न पाउँछन् । टिकटकको स्वामित्व भएको कम्पनी बाइट डान्सले यो इन्टरनेट सुरक्षित हुनु पर्ने आधार बनाएर यो भिडियो ल्याएको हो । उसले यो अभियान ४ फ्रेबुअरीदेखि नै चलाउँदै आएको छ ।