नेपालगञ्ज उद्योग वाणिज्य संघको अध्यक्षमा टंक धामी निर्वाचित भएका छन् । उनी अर्का उद्योगी ललित रौनियारलाई ८ सय ९० मतान्तरले हराउँदै संघको अध्यक्षमा निर्वाचित भएका हुन् । 

धामीले २ हजार चार सय ५६ मत ल्याउँदा रौनियारले १ हजार ५ सय ६६ मत प्राप्त गरेका वाणिज्य संघका निर्वाचन अधिकृत माधव शर्माले जानकारी दिए ।

१० जना सदस्यमा एउटा प्यानलबाट सात र अर्को प्यानलबाट तीन निर्वाचित भएका निर्वाचन अधिकृतको कार्यालयले जनाएको छ । ४ हजार ९ सय ३३ मतदाता रहेको संघमा ४ हजार १ सय ३२ मत खसेको बताइएको छ ।