भारतीय गायिका शिल्पा राव नेपाल आएकी छिन् । भोलि शुक्रबार सोल्टी होटलको प्राइभ नेपाल क्लबमा हुने सांस्कृतिक कार्यक्रममा भाग लिन काठमाडौं उत्रिएकी गायिका राव बिहीबार दिउँसो काठमाडौंस्थित त्रिभुवन अन्तर्राष्ट्रिय विमानस्थलमा उत्रिएकी हुन् ।
काठमाडौं उत्रिए लगत्तै सञ्चारकर्मीसँग उनले नेपालको खुलेर प्रशंसा गरिन् । उनले भनिन्, ‘आप बहुत सुन्दर जगह मे रहते है ।’ लगत्तै गीत गुनगुनाएकी उनले सञ्चारकर्मी समक्ष ‘जो भी है सब मेरा, तेरे हवाला कर्दिया ’ सुनाइन् ।
तपाईँको काठमाडौंमा एक्सपेक्टेशन के हो ? पत्रकारको प्रश्नमा उनले भनिन् ‘एक्पेक्टेशन हम पर्फम गर्न चाहाते है । आप दिलसे सुनिए और हम बहत मजे गर्ने वाले है द्याटस् इट । ’
उनले पत्रकारको आग्रहमा विमानस्थलमै अर्को गीत समेत गुनगुनाएकी थिइन् । रोअर ईन्टरटेनमेन्ट र एरिना ईन्टरटेनमेन्टले संयुक्त रुपमा आयोजना हुन लागेको सो कार्यक्रममा भाग लिन राव पहिलो पटक नेपाल आएकी हुन् ।
सो कार्यक्रममा सहभागी हुन चाहनेले माई पे अनलाइन मार्फत टिकट काट्न सक्ने व्यवस्था गरिएको कार्यक्रमका संयोजक मोहित बस्नेतले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
