राष्ट्रिय प्रजातन्त्र पार्टीका प्रवक्ता ज्ञानेन्द्र बहादुर शाहीले गौरा पर्वलाई राष्ट्रिय पर्वका रूपमा मनाउन आवश्यक रहेको बताएका छन् । 

बिहीबार काठमाडौंमा आयोजित गौरा पर्व २०८० विशेष कार्यक्रममा बोल्दै उनले देशको अवस्था र व्यवस्था फेरिएसँगै गौरा पर्वलाई पनि  राष्ट्रिय पर्वका रूपमा मनाउन आवश्यक रहेको बताए । 
उनले भने, ‘अब अवस्था फेरिएको परिस्थिति फेरिएको छ । पूर्व प्रधानमन्त्री यहीँ  हुनुहुन्छ । यसलाई राष्ट्रिय विधाका रूपमा हामीले मनाउनुपर्छ किनकि सबैका संस्कृति मान्दा हाम्रो संस्कृति किन नमान्ने ?।’

उनले नेपाली भाषाको उद्गम स्थलको पर्व भएकाले यस पर्वमा राष्ट्रिय छुट्टीको माग गरे । उनले भने, ‘नेपाली भाषाको उद्गम स्थलको पर्व हो यो । नेपाल भरी भाषा संस्कृति सिकाउनेको पर्व हो यो । त्यसैले हाम्रो पर्वमा राष्ट्रिय छुट्टी चाहिन्छ यो माग सबैले गर्न आवश्यक छ ।’