हरेक वर्षझैँ यो वर्ष पनि लोकप्रिय गायिका विष्णु माझी तीजको गीत लिएर आएकी छिन् । उनको स्वरमा तीज गीत ‘बलमा’ बुधबार युट्युबमा सार्वजनिक भएको हो । 

पुतलीको भट्टी–१९’ अन्तर्गत सुन्दरमणि अधिकारीको शब्द तथा संगीतमा रहेको उक्त गीत सपना म्युजिक इण्डष्ट्री युट्युब च्यानलबाट सार्वजनिक गरिएको हो । गीतलाई आशिष अविरलले एरेन्ज तथा मिक्सिङ गरेका हुन् ।

गीतको भिडियोमा मोडल बिनु सुवेदी फिचर्ड छिन् । सुन्दरमणिकै निर्देशन रहेको भिडियोमा शम्भु चालिसेको छायांकन र निशान घिमिरेको सम्पादन छ ।

गीतमा पहिलेजस्तै महिलाहिंसाविरुद्धको सन्देश दिने प्रयास गरिएको छ ।