कोलकाता– विश्वकपको तयारीमा जुटेका भारतीय क्रिकेट टिमका फास्ट बलर मोहम्मद सामी यतिखेर मुस्किलमा छन् । कोलकाता प्रहरीले आज उनीमाथि मुद्दा दर्ता गरेको छ ।
एसियन न्युज एजेन्सीका अनुसार, सामीमाथि आइपिसीको यौन उत्पीडन र दाइजो प्रताडनासम्बन्धी दुई धाराअन्तर्गत मुद्दा दर्ता गरिएको हो । भारतको फौजदारी दन्डसजायसम्बन्धी मूल कानुन आइपिसीका यी दुवै धारा गैर–जमानती हुन् ।
A chargesheet has been filed against cricketer Mohammed Shami. He has been charged under IPC 498A (dowry harassment) and 354A (sexual harrasment).
— ANI (@ANI) March 14, 2019
(file pic) pic.twitter.com/6o6sBbtqY8
यो सामी मात्र नभई भारतीय क्रिकेट टिमकै लागि चुनौतीपूर्ण अवस्था हो । सामी भारतको वर्ल्डकप स्ट्राटेजीका महत्वपूर्ण हिस्सा हुन् । खेलमा उनी उपलब्ध हुने वा नहुने अन्योलले टिमको तयारीमा असर गर्न सक्छ ।
सामीकी पत्नी हसिन जहाँले उनीमाथि घरेलु हिंसा, विवाहपछिको अफेयरदेखि म्याच फिक्सिङसम्मको आरोप लगाएकी थिइन् । हसिनले यो पनि भनेकी थिइन् कि सामीको एक पाकिस्तानी महिलासँग सम्बन्ध, जो उनलाई पैसा दिन्छिन् ।
भारतीय क्रिकेट बोर्ड बिसिसिआईले यी आरोपउपर जाँच गरिरहेको छ । म्याच फिक्सिङमा भने उनी निर्दोष साबित भइसकेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।