प्रधानमन्त्री पुष्पकमल दाहाल प्रचण्डले सामाजिक सञ्जालको दुरुपयोग बढेकोप्रति चिन्ता व्यक्त गरेका छन् । सरकार यसबारे गम्भीर भएको भन्दै उनले अब त्यसको नियमनका लागि विशेष पहल गर्ने पनि बताए ।
संयुक्त राष्ट्र संघको ७८औँ महासभामा सहभागी हुन आइतबार न्युयोर्क गएका उनले पत्रकारहरूसँगको भेटमा सो कुरा भनेका हुन् । सरकारले गरेका राम्रा र सकारात्मक कुरालाई भन्दा कसरी बदनाम गर्न सकिन्छ भन्ने गिरोह सक्रिय रहेको उनले आरोप लगाए ।
सरकारले भ्रष्टाचार नियन्त्रण र सुशासनका लागि जस्तोसुकै कदम चाल्न पनि तयार रहेको उनको भनाइ छ ।
अर्को प्रसंगमा उनले विदेशमा रहेका नेपालीहरुलाई मतदानको व्यवस्था गरिने बताए । विदेशमा रहेका नेपाली नागरिकलाई मतदानको व्यवस्था मिलाउन निर्वाचन आयोगलाई निर्देशन दिएको उनले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
