Mon, 24 Jun, 2019


सन्वे इन्टरनेसनल बिजनेस कलेजको ‘प्लेसमेन्ट डे’ कार्यक्रम
फरकधार / चैत १, २०७५

काठमाडौं– सन्वे इन्टरनेसनल बिजनेस कलेजले स्नातक तहमा कम्प्युटर साइन्स विषय अध्ययनरत विद्यार्थीहरूका लागि मेरो जब डट कमसँग समन्वय गरी प्लेसमेन्ट डे कार्यक्रम सम्पन्न गरेको छ ।



मार्च ११ मा सम्पन्न कार्यक्रममा १४ वटा विभिन्न प्रतिष्ठित संस्थाहरु क्लासिक टेक, सुबिसु नेट, भायनेट, दराज, सस्तो डिल, इभ्मोटेक, पाराकोज्मा, गोल्यन ग्रुप , एट स्क्वायर , इन्लिभ इन्फर्मेसन टेक्नोलोजी, आयुलोजिक,  देव ज्योति ग्रुप, र नेर्ड प्लाटुन ले सहभागिता जनाएर कलेजमा अध्ययनरत विद्यार्थीहरूलाई रोजगारीका लागि प्रक्रिया अगाडि बढाएका छन् । 

यसै क्रममा पहिलो चरणको अन्तर्वार्ता सम्पन्न भैसकेको छ । अन्तर्वार्तामा ३१ जना विद्यार्थीहरूले सहभागिता जनाएका छन् । कार्यक्रममा आएका विभिन्न १४ वटा बिजनेस हाउसका प्रतिनिधिहरूले पहिलो चरणमा सम्पन्न भएको १३९ वटा अन्तर्वार्तामा सहभागी विद्यार्थीहरूलाई थप अन्तर्वार्ताका लागि उत्कृष्टताका आधारबाट छनौट गर्नेछन् ।

मेरो जब डट कम र सन्वे इन्टरनेस्नल बिजनेस कलेजको संयुक्त आयोजनामा यस्तो कार्यक्रम हुनुको मुख्य उद्देश्य कलेजमा अध्ययनरत विद्यार्थीहरू र रोजगारदाता संस्थाहरु बीचको दुरी घटाएर समन्वयकारी भूमिका निर्वाह गर्नु र स्वदेशभित्रै रोजगारीको वातावरण सृजना गरी समृद्ध समाजको परिकल्पनालाई सार्थक गर्नु रहेको कलेजले बताएको छ ।


यो सामाग्री सेयर गर्नुहोस्


यो पनि नछुटाउनुहोस्