एजेन्सी– भारतीय प्रधानमन्त्री नरेन्द्र मोदीले लोकसभा निर्वाचनलाई मध्यनजर गर्दै आफ्नो नामको अगाडि चौकीदार शब्द थपेका छन् । उनले यो शब्द माइक्रो ब्लगिङ साइट ट्विटरमा थपेका हुन् । उनीसँगै भारतीय जनता पार्टीका अन्य नेताले पनि नामको अगाडि चौकीदार थपेका छन् ।

आइतबार विहान माेदीले मात्र हाेइन भारतीय जनता पार्टीका अध्यक्ष अमित शाह, रेलमन्त्री पियुष गाेयल, स्वास्थ्यमन्त्री जेपी नड्डा तथा अन्य नेताहरुले पनि नामकाे अगाडि चाैकीदार थपेका छन् । जसजसले यसरी नाम बदलेका छन् उनीहरुले ट्विटरमा आफूले नाम परिवर्तन गरेबारे पनि जानकारी दिएका छन् । 

त्यसका लागि उनीहरुले म चाैकीदार वा चाैकिदार फिर से भन्ने ह्यासट्यागकाे प्रयाेग गरेका छन् ।  

माेदीले १५ मार्चमा ट्विटरमा एक भिडियाे जारी गर्दै म पनि चाैकिदार भन्ने अभियान सुरु गरेका थिए । 

यसअघि नेपालीलाई चाैकीदार भनेपछि आम आदमी पार्टीकी विधयाक अल्का लम्बाकाे नेपालमा मात्र हाेइन भारतमै पनि विराेध भएकाे थियाे । 

जिसने बनाया स्वच्छता को संस्कार...वो है चौकीदार। #MainBhiChowkidar

कहो दिल से #ChowkidarPhirSe pic.twitter.com/jLqn6atvXR

— Chowkidar Amit Shah (@AmitShah) March 17, 2019