नागढुंगा सुरुङमार्गबाट करिब १० मिटरमाथिको जमिन भासिएको छ ।

सुरुङमार्गको मुख्य प्रवेशद्वारबाट करिब १० मिटरमाथि चन्द्रागिरि नगरपालिका एक बस्नेत छाप टोटी टोलमा करिब १० मिटर जमिन भासिएको हो । 

स्थानीय प्रकाश रेग्मीले सो स्थानमा घर भएको भए दुईतला भासिने थियो भन्दै सुरुङ मार्ग आसपासका अन्य क्षेत्रमा समेत त्रास बढेको बताए । 

‘आस पासमा जमिन भासिन थालेपछि हामी त्रास छौँ । यदि सडक वा घर हुन्थ्यो भने ठूलो क्षति हुन्थ्यो,’ उनले भने । जमिन भासिएपछि त्यसबारे छलफल गर्न अब स्थानीय अगुवाहरूको बैठक बस्ने तयारी भएको उनको भनाइ छ ।