क्रिकेटर सन्दीप लामिछानेले आगामी प्रतियोगिताबाट नाम फिर्ता लिने निर्णय गरेको जनाएका छन् । उनले त्रिकोणात्मक टी-२० श्रृखला नखेल्ने भएका हुन् ।
सन्दीपले सामाजिक सञ्जाल मार्फत भनेका छन्,‘भारी मनका साथ आगामी प्रतियोगिताबाट नाम फिर्ता लिने निर्णय गरेको छु । म मेरो जीवनको कठिन र चुनौतीपूर्ण समयबाट गुज्रिरहेको छु ।’
अहिले परिवारलाई समय चाहिन्छ भन्ने महसुस गरेको उल्लेख गर्दै उनले अहिलेसम्म आफूले पाएका सबै आशीर्वाद र शुभकामनाहरूका लागि कृतज्ञतासमेत व्यक्त गरेका छन् ।
नेपाल क्रिकेट संघ (क्यान)ले नेपाल, यूएई र हङकङ सम्मिलित त्रिकोणात्मक सिरिज आयोजना गरेको छ । उक्त खेलहरू १ कात्तिकदेखि १० गतेसम्म हुँदै छन् । ती खेलहुनुअघि सन्दीपले आफ्नो नाम फिर्ता लिएका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
