मकवानपुरको भीमफेदी गाउँपालिका–६ जुरीखेतमा काठमाडौंबाट हेटौंडा आउँदै गरेको ०२–०२७–प ४८४२ नं को स्कुटर दुर्घटना हुँदा एक महिलाको मृत्यु भएको छ । दुर्घटनामा एक पुरुष घाइते भएका छन् ।
जिल्ला प्रहरी कार्यालयका प्रहरी नायब उपरीक्षक लक्ष्मी भण्डारीका अनुसार दुर्घटनामा काठमाडौं महानगरपालिका–२७ बस्ने ६२ वर्षीया राज्यश्री थापा क्षेत्रीको मृत्यु भएको हो । उनको हेटौंडा अस्पतालमा उपचारका क्रममा साँझ करिब साढे बजे मृत्यु भएको प्रहरीले जनाएको छ ।
दुर्घटनामा क्षेत्रीका श्रीमान् ६५ वर्षीय शशीराज पाण्डे घाइते भएका छन् । डिएसपी भण्डारीका अनुसार काठमाडौंबाट हेटौंडा आउनेक्रममा जुरिखेतको ओरालोमा स्कुटर अनियन्त्रित भई सडकबाट करिब एक सय मिटर तल खसेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
