मकवानपुरमा अटो दुर्घटना हुँदा सातजना घाइते भएका छन् । प्रहरीका अनुसार दुम्सीडाँडाबाट हेटौंडातर्फ जाँदै गरेको ना २ ह ५१७४ नम्बरको अटो आफैं अनियन्त्रित भएर सडकबाट करिब ३० फिट तल खसेको थियो । 

दुर्घटनामा मकवानपुर गढी–७, सुकौराकी २३ ववर्षीया मनिता मोक्तान, उनकी दुई महिनाकी छोरी जानुका जिम्बा, मकवानपुर गढी–७ का कृष्णबहादुर योञ्जन, उनकी छोरी ८ वर्षीया सारोक्षा योञ्जन, २६ ववर्षीया दिलमाया योञ्जन हिरामाया योञ्जनर विकाश योञ्जन मुक्तान घाइते भएका  जिल्ला प्रहरी कार्यालय, मकवानपुरले जनाएको छ । 

घाइतेमध्ये मनिताको छाती र बायाँ हातमा चोट लागेको छ । उनकी दुई महिने छोरीको टाउकोमा चोट लागेकाले अवस्था गम्भीर रहेको प्रहरीले जनाएको छ ।

घाइतेमध्ये पाँचजनाको डिस्चार्ज भएको छ भने दुई जनाको पुरानो मेडिकल कलेजमा उपचार भइरहेको छ ।