नेपाल दूरसञ्चार प्राधिकरणले टिकटकले पठाएको पत्रको जवाफ फर्काएको छ । पत्रमा प्राधिकरणले सरकारको निर्णय कार्यान्वयनमा सहयोग गर्न आग्रह गरेको छ ।
सरकारले २७ कात्तिकमा टिकटकमाथि प्रतिबन्ध लगाएलगतै दूरसञ्चार प्राधिकरणले टिकटकलाई पत्र लेखेर सरकारको निर्णयबारे जानकारी गराएको थियो ।
टिकटकले दूरसञ्चार प्राधिकरणलाई पत्र लेखेर टिकटक बन्द गर्ने निर्णय आश्चर्यजनक लागेको बताएको थियो । नेपालको सरकारी संयन्त्रसँग मिलेर काम गरिरहेको टिकटकले पत्रमा उल्लेख गरेको थियो ।
प्राधिकरणले शुक्रबार टिकटकलाई अर्को पत्र पठाएर सरकारले टिकटक बन्द गर्ने निर्णय गरेको र त्यसलाई कार्यान्वयन गर्न सहयोग गर्न आग्रह गरेको हो ।
प्राधिकरणका अध्यक्ष पुरुषोतम खनालले पत्र पठाउँदै सरकारको निर्णय कार्यान्वयनमा सहयोग गर्न आग्रह गरेका हुन् ।
प्रधिकरणले शुक्रबार नै सरकारको निर्णय प्रभावकारी कार्यान्वयनका लागि निर्देशक विजयकुमार रायको नेतृत्वमा प्राविधिक समितिसमेत गठन गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
