काठमाडौं– रोजगारका लागि दक्षिण कोरिया जान चाहने कामदारका लागि आजबाट कोरियन भाषा परीक्षाका लागि आवेदन खुलेको छ । परीक्षा दिएर कोरिया जाने सपना पालेर युवाहरु ग्लोबल आइएमइ बैंकका काउन्टर अगाडि लामो लाइनमा छन् । तर, सरकारले यसपटक अनलाइन सिस्टमबाट पनि भुक्तानी गर्न सकिने व्यवस्था मिलाएको छ । इसेवा, आइएमइ पेलगायतका अनलाइनबाट पनि यसपटक आवेदन शुल्क तिर्न सकिने व्यवस्था सरकारले मिलाएको थियो ।

कोरिया जान चाहनेका लागि परीक्षा फारम आजबाट खुलेर १७ चैतसम्म बुझाउन सकिने सरकारले जनाएको छ । कोरियन भाषा परीक्षा चाहिँ २५ र २६ जेठमा हुँदैछ । यसपटक काठमाडौं र पोखराका दुई केन्द्रमा परीक्षार्थीले परीक्षा दिन पाउने छन् । यसको नतिजा १३ असारमा आउँदै छ । 

यही विषयमा आजको नयाँ पत्रिकाले मुख्य समाचार बनाएको छ ।