एजेन्सी– अमेरिकामा एक १९ वर्षकी युवतीले आत्महत्या गरेकी छन् ।

१४ फेबु्रअरीमा फ्लोरिडाको पार्कल्यान्ड स्कुलमा पूर्वछात्रले गरेको आक्रमणमा १४ छात्रा र तीन कर्मचारीको मृत्यु भएको थियो । यो आक्रमणमा आफू बचेकोमा पश्चताप भएको भन्दै सिड्नी एलो नामकी युवतीले आत्महत्या गरेकी हुन् । 

आक्रमण भएको समयमा सिड्नी स्कुलमै थिइन् । उनका बुवाआमाका अनुसार सिड्नीलाई उक्त आक्रमणबाट आफू बाँचेकोमा पछुतो थियो । 

पार्कल्यान्ड स्कुलमा भएको आक्रमणमा सिड्नीका दुई साथीहरुको मृत्यु भएको थियो । सिड्नीलाई सर्भाइभर गिल्ट भएको थियो,जसको उपचार गरिरहेको परिवारले जनाएको छ ।

उनकी आमा कारा भन्छिन् ‘आक्रमणपछिका दिनहरुमा उनी मानसिक रुपमा कमजाेर भएकी थिइन्, कलेजमा निकै डराउने गरेकी थिइन् । ’