एजेन्सी– बलिउड अभिनेत्री रानी मुखर्जीले फिल्म हिचकीबाट गत वर्ष बलिउडमा कमब्याक गरिन् । यो फिल्ममा उनले निर्वाह गरेको शिक्षिकाको भूमिकालाई धेरैले प्रशंसा गरेका थिए । अब रानीले अर्को फिल्मको पनि काम सुरु गरेकी छिन्– मर्दानी २ । यो फिल्म मर्दानीको सिक्वेल हो, २०१४ मा आएको मर्दानी एउटा निडर प्रहरी अफिसरको जीवनमाथि आधारित छ ।

पहिले यो फिल्ममा पनि रानीले गरेको अभिनयलाई निकै प्रशंसा गरिएको थियो । अब बन्न लागेको दोस्रो सिक्वेल यो वर्षको अन्त्यसम्ममा रिलिज हुने बताइएको छ । २३ मार्चमा सुरु भएको मर्दानी २ को सुटिङबाट रानी कति उत्साहित भएकी छिन् भने उनले यसबारे सामाजिक सन्जाल इन्स्टाग्राममा तस्वीरहरु सेयर गरेकी छिन् ।