काठमाडौं– बुरुन्डीका राष्ट्रपति पिएरे निकुरुन्जिजाका अनुहार बिगारिएका तस्बिर यातिखेर ट्विटरमा भाइरल भइरहेका छन् । 

राष्ट्रपतिको अनुहार बिगारेको अभियोगमा पक्राउ गरी हिरासतमा राखिएका ३ स्कुले बालिकाको रिहाइको माग गर्दै ट्विटर प्रयोगकर्ताले राष्ट्रपतिका विभिन्न रुपमा विकृत तस्बिरहरु भाइरल गराएका हुन् ।

यी तस्बिर #FreeOurGirls (हाम्रा नानीहरुलाई रिहा गर) ह्यासट्गमा सेयर भइरहेका छन् । 

ती स्कुले छात्राले आफ्नो पाठ्यपुस्तकमा छापिएको राष्ट्रपति निकुरुन्जिजाको तस्बिरमा अनुहार बिगारेका थिए । दुई साताअघि प्रहरीले उनीहरुसहित अन्य ४ छात्र–छात्रालाई पक्राउ गरेको थियो ।

गतसाता चारजनालाई रिहा गरियो र तीन छात्रामाथि ‘हेड अफ स्टेट’को अपमान गरेको अभियोगमा मुद्दा चलाइयो । अदालतले दोषी ठहर गरे उनीहरुलाई ५ वर्षसम्मको कैद सजाय हुनसक्छ । 

यी छात्रा १५, १६ र १७ वर्षका छन् । 

हिरासतमा रहेकामध्ये एक छात्राका पिताले ह्युमन राइट वाचलाई उनीहरु खाना खानसमेत डराइरहेका बताएका छन् । 

ह्युमन राइट वाचले सरकारलाई छात्राहरुलाई रिहा गर्न र सुरक्षा बलका दुर्व्यवहार रोक्न आग्रह गरेको छ । 

बुरुन्डीका अधिकारीमाथि मानवअधिकार हननका आरोपहरु बारम्बार लाग्ने गरेका छन् । 

सन् २०१६ मा यस्तै मुद्दामा थुप्रै स्कुले बालबालिकालाई जोल हालिएको थियो । सयौँ छात्र–छात्रालाई पाठ्यपुस्तकमा रहेको तस्बिरमा राष्ट्रपतिको अनुहार बिग्रिने गरी केरेको भन्दै विद्यालयबाट निस्कासन गरिएको थियो ।  

छात्राहरुको समर्थनमा भाइरल भइरहेका केही तस्बिरहरु:

#Burundi—What does @BurundiGov gain by inflicting injustice on the most vulnerable & harmless? Schoolgirls? #FreeOurGirls
Mr. @pnkurunziza, you and your cohorts should be ashamed of yourselves. pic.twitter.com/1VpVfIvH1Y

— iBurundi (@iburundi) March 22, 2019

Hey @pnkurunziza, looking good.

SCRIBBLING IS NOT A CRIME - FREE THOSE GIRLS #Burundi #FreeOurGirls pic.twitter.com/Z8SD0vfLuJ

— Lomé Raumay (@kiwidrank) March 22, 2019

#FreeOurGirls #Burundi: There is no reason 3 teenage girls are in prison for doodling. When textbooks are lost, damaged or defaced; it’s a matter dealt with at school. pic.twitter.com/hk500iFNwg

— iBurundi (@iburundi) March 22, 2019