लन्डन– ब्रिटिश एयरवेजको फ्लाइटले लन्डन सिटी एयरपोर्टबाट जर्मनीको डसेलडर्फ एयरपोर्टका लागि उडान भरेको थियो । तर गल्तीले फ्लाइट १२०० किलोमिटर टाढा स्कटल्यान्डको राजधानी एडिनबर्ग पुग्यो ।
बेलायती अधिकारीका अनुसार कागजी कारबाहीमा भएको गल्तीका कारण यो घटना भएको हो । यात्रुहरुले एयरपोर्टमा ‘वेलकम टु एडिनबर्ग’ लेखेको देखेपछि मात्रै आफूहरु स्कटल्यान्ड पुगेकाे थाहा पाएका थिए ।
जर्मनीकाे फर्म डब्ल्युडिएले एक सम्झाैता गरेर ब्रिटिश एयरवेजकाे फ्लाइट सञ्चालन गर्छ । एयरवेजले यात्रुसँग माफी मागेकाे छ ।
पाइलट कुनै भ्रममा नपरेकाे र एडिनबर्गकाे कागजी कारबाहीमा भएकाे गल्तीका कारण एयर ट्राफिक कंट्रोलले फ्लाइटलाई एडिनबर्गकाे रुट परमिट दिएकाे ब्रिटिश एयरवेजले बताएकाे छ ।
लन्डनबाट डसेलडर्फका लागि उडेका २४ वर्षीय म्यानेजमेन्ट सल्लाहाकार साेफी कुकले भने ‘जब पाइलटले एडिनबर्ग उत्रिन भने, हामीलाई उनले मजाक गरेकाे जस्ताे लाग्याे । मैले क्याबिन क्रुसँग पनि साेधेँ तपाई मजाक गर्दै हुनुहुन्छ ।’
आफूलाई यस्ताे कसरी भयाे भन्ने बारे कुनै आइडिया नभएकाे पाइलट बताउँछन्, यस्ताे पहिला कहिल्यै भएकाे थिएन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
