नेपाली कांग्रेसले राष्ट्रिय सभा सदस्य निर्वाचनका लागि १० जना उम्मेदवारको नाम टुंग्याएको छ ।
जसअनुसार कोशीमा कृष्णप्रसाद सिटौला र मधेस प्रदेशमा आनन्द ढुंगानालाई उम्मेदवार बनाइएको छ । कांग्रेसले बागमती प्रदेशको अन्यतर्फ जितजंग बस्नेत र महिलातर्फ विष्णुकुमारी पुडासैनीलाई उम्मेदवार बनाउने निर्णय भएको कांग्रेसका प्रमुख सचेतक रमेश लेखकले जानकारी दिए ।
यस्तै, गण्डकी प्रदेशको अन्यतर्फ किरणबाबु श्रेष्ठ, अपांगतर्फ पदमबहादुर परियार र लुम्बिनीको महिलातर्फत विष्णुकुमारी सापकोटालाई उम्मेदवार बनाउने निर्णय भएको लेखकले बताए ।
यस्तै, कांग्रेसले कर्णालीको अन्यतर्फ कृष्णबहादुर रोकाया र सुदूरपश्चिमको अन्यमा बलदेव बोहरा र अपांगतर्फ नारायणदत्त भट्टलाई उम्मेदवार बनाएको छ ।
मुख्यसचिव कृष्णप्रसाद पौडेलका अनुसार गएराति सकिएको कार्यसम्पादन समितिको बैठकले उम्मेदवारको टुंगो लगाएको हो । यद्यपि पार्टीको निर्णयमा महामन्त्री गगनकुमार थापाले फरकमत राखेका छन् ।
कांग्रेसले टुंग्याएका उम्मेदवारको नाम :
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
