त्रिभुवन विश्वविद्यालयको उपकुलपतिको सर्टलिस्टमा परेकाहरूको अन्तर्वार्ता आइतबार हुने भएको छ । त्रिवि उपकुलपति सिफारिस समितिले आइतबार अन्तर्वार्ता हुने जनाएको हो । 

सर्टलिस्टमा परेका कुशुम शाक्य, केशरजंग बराल, गोविन्द सुवेदी, चित्रबहादुर बुढाथोकी, ज्ञानेन्द्रप्रसाद पौड्याल, टंकनाथ धमला र तीर्थराज खनियाँको अन्तर्वार्ता आइतबार बिहान साढे ८ बजेदेखि हुनेछ ।  

समितिको सूचना अनुसार शिक्षा विज्ञान तथा प्रविधि मन्त्रालय, सिंहदरवारमा अन्तर्वार्ता हुने भएको हो । 

दिउँसो १ बजेदेखि नारायणप्रसाद वेलवासे, प्रकाश घिमिरे, भोजराज अर्याल, महेन्द्रप्रसाद शर्मा, रामचन्द्र बस्नेत, शिवलाल भुसाल र सूर्यबहादुर थापाको अन्तर्वार्ता हुने समितिले जनाएको छ ।

प्रस्तुतीकरणको र अन्तर्वार्ताको मूल्यांकनको आधारमा समितिले बढी अंक प्राप्त गर्ने तीनजनाको नाम उपकुलपतिका लागि कुलपतिसमक्ष पेस गर्नेछ ।