एजेन्सी– भारतमा अहिले इन्डियन प्रिमियर लिग (आइपिएल) चलिरहेको छ । त्यसैले आइपिएलका खेलहरुसँग सम्बन्धित खेलाडीका समाचार बाहिर आइरहेका छन् । यस्तै समाचार छ, मुम्बइ इन्डियन्सबारे । तर, यो खुसीको समाचार होइन । मुम्बई इन्डियन्सका फ्यानहरुलाई नराम्रो लाग्छ सक्छ– मुम्बइका कप्तान रोहित शर्मालाई आइपिएल आयोजकले कारवाही गर्ने भएको छ । 

शनिबार राती किंग्स इलेभेन पन्जावविरुद्ध भएको खेलमा बलिङ गर्न धेरै समय लगाएकाले उनीमाथि कारवाही भएको हो । अर्थात् उनी स्लो ओभर रेटका कारण कारवाहीमा परेका हुन् । यही कारणले मुम्बइलाई १४ लाख जरिवना गरिएको छ । यो सिजनको आइपिएलमा आचार संहिता उल्लघंन भएको भन्दै गरिएको यो पहिलो कारवाही हो ।