काठमाडौं— सरकारले कलिङ भिसा आएका सात हजारभन्दा धेरै कामदारलाई मलेसिया जान श्रम स्वीकृति दिन थालेको छ । योसँगै अब १० महिनादेखि मलेसिया जान नपाएकाहरु मलेसिया जान पाउने छन् । 

श्रम, रोजगार तथा सामाजिक सुरक्षा मन्त्री गोकर्ण विष्टका अनुसार श्रम सम्झौताको मर्म र भावनाअनुसार वैदेशिक रोजगार व्यावसायी तयार भएका छन् । यसअघि व्यवसायीहरुले सरकारले गरेको सम्झौताको विरोध गर्दै आएका थिए । तर, मन्त्री विष्टका अनुसार अब स्वास्थ्य परीक्षणको नयाँ मापदण्ड पनि आइसकेको छ र त्यहीअनुरुप मलेसिया कामदार पठाउने प्रक्रिया पनि सुरु भएको छ । 

वैदेशिक रोजगार विभागले वैदेशिक रोजगारी व्यवसायी संघलाई सात हजार श्रम स्वीकृति अगाडि बढाउने प्रक्रिया सुरु गर्न अनुमति दिएको हो ।