त्रिभुवन विश्वविद्यालयको उपकुलपति छनोट समितिले सर्टलिष्टमा परेकाहरूको अन्तर्वार्ता लिएको छ । शिक्षा मन्त्रालयमा आज दिनभर चलेको अन्तर्वार्ता केहीबेर अघि मात्रै सकिएको हो ।
अन्तर्वार्ता सकिएलगत्तै उपकुलपति सिफारिस समितिको बैठक बसिरहेको छ। बैठकले उपकुलपतिका लागि तीनजनाको नाम सिफारिस गर्नेछ ।
सिफारिसमा पर्ने तीनजनाको नाम शिक्षामन्त्री अशोककुमार राईले कुलपति तथा प्रधानमन्त्रीलाई आजै बुझाउनेछन् ।
कुलपति तथा प्रधानमन्त्रीले आजै त्रिविको २०औँ उपकुलपति नियुक्त गर्ने सम्भावना छ ।
त्रिवि उपकुलपतिका लागि ४३ जनाले उम्मेदवारी दिएकामा एकजनाको आवेदन अस्वीकृत भएको थियो ।
तीमध्ये सर्टलिष्टमा परेका १४ जनाको आज अन्तवार्ता लिइएको हो । यसअघि उनीहरूले सोचपत्र तथा कार्ययोजनाको प्रस्तुतीकरण दिएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
