सुर्खेतको सिम्तामा मोटरसाइकल दुर्घटनामा हुँदा एक जनाको मृत्यु भएको छ ।

अस्थायी प्रहरी पोष्ट बादेपिपलका प्रहरी जवान वीरेन्द्र विकका अनुसार मृत्यु हुनेमा मोटरसाइकल सवार वीरेन्द्रनगर नगरपालिका–३, एरिचोकका २८ वर्षीय विजय राना रहेका छन् ।  

यस्तै, दुर्घटनाका अर्का युवक घाइते भएका छन् । मोटरसाइकल चालक वीरेन्द्रनगर नगरपालिका–१, ढोडेखालीका २३ वर्षीय रूपेश गिरीको अवस्था गम्भीर छ । 

सिम्ता गाउँपालिका–६, जामुनेबजारमा ट्याक्टर र मोटरसाइकल आपसमा ठोक्किँदा रानाको मृत्यु भएको र  गिरी गम्भीर घाइते भएको प्रहरीले जनाएको छ ।

आइतबार साँझ सल्यानको सल्लीबजारबाट सुर्खेतको गोजी बजारतर्फ जाँदै गरेको बा९५प ५२९६ नम्बरको मोटरसाइकल र विपरीत दिशाबाट आइरहेको भे१त४५ नम्बरको ट्याक्टर आपसमा ठोक्किएका थिए । फरार ट्याक्टर चालक र साहुको खोजी भइरहेको प्रहरीले जनाएको छ ।