राष्ट्रिय सभा सदस्य दिलकुमारी थापा रावलले संसदीय अनुगमनलाई प्रभावकारी बनाउन स्पष्ट मापदण्ड निर्माण गर्न आवश्यक रहेको बताएकी छन् ।
बिहीबारको राष्ट्रिय सभाको बैठकमा आफ्नो धारणा राख्दै उनले समितिका साझा विषयमा संयुक्त बैठक बस्ने अभ्यास सुरु भएको भन्दै यसलाई आगामी दिनमा अझै सशक्त बनाएर लैजानुपर्ने बताइन् । रावलले संसदभित्र विज्ञ समूहहरूको रोष्टर (सूची) व्यवस्था गर्न पनि माग गरिन् ।
‘संसदीय अनुगमनलाई प्रभावकारी बनाउन एउटा स्पष्ट मापदण्ड निर्माण होस् । समितिका साझा विषयमा हामीले संयुक्त बैठक बस्ने अभ्यास शुरु गरेका छौँ । संयुक्त बैठक, संयुक्त निर्देशन र संयुक्त स्थलगत जाने कुरा आउने दिनमा यसलाई अघि बढाउनुपर्छ,’ रावलले भनिन्, ‘संसदभित्र विज्ञ समूहरूको रोष्टर व्यवस्था गरियोस् । सबै समितिका सकारात्मक कामहरूको लागि अनुभव आदानप्रदान गर्ने छलफलले निरन्तरता पाओस्, राष्ट्रिय सभाले केही नयाँ मानकहरू स्थापना गरेको छ । समयमा नै सभा सञ्चालन हुनेकुरा महत्वपूर्ण छ ।’
उनले राष्ट्रिय सभाले समयमा नै सभा सञ्चालन गरेर नयाँ मानक स्थापना गरेको पनि दाबी गरिन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
