सोमबार जिल्ला प्रहरी कार्यालय दार्चुलाको हिरासतमा रहेका एक जना थुनुवा भाग्न खोज्दा प्रहरी जवानले ज्यान गुमाएका छन् । प्रहरीको थुनुवा कक्षामा रहेका महाकाली नगरपालिका–१ का उमेशसिंह कुँवरलाई प्रहरीको मुद्दा शाखामा सोधपुछको क्रममा हतकडी लगाएकै अवस्थामा भाग्न खोज्दा उनलाई रोक्न खोजेका प्रहरी जवान सोहन चौधरीको लडेर मृत्यु भएको हो । 

जिल्ला प्रहरी कार्यालयको पछाडिबाट हाम फालेर भाग्ने क्रममा चौधरीले उनलाई रोक्न खोजेका थिए । हतकडी सहित हाम फालेका कुवरसँगै हुत्तिएर चौधरी भीरबाट लडेका थिए । झन्डै एक सय मिटर तल खसेपछि प्रहरी जवानको ज्यान गएको हो । 

टाउकोमा गम्भीर चोट लागेका उनको जिल्ला अस्पताल दार्चुलामा पुर्‍याउँदा मृत्यु भएको प्रहरीले जनाएको छ । हाम फालेर भागेका कुँवरलाई महाकाली पारी भारतबाट प्रहरीले नियन्त्रणमा लिएको छ । 

गत माघ ७ गते ड्युटीमा खटिएका दुई जना प्रहरीमाथि चक्कु प्रहार गरेका कुँवरलाई फागुन २२ गते प्रहरीले नियन्त्रणमा लिएको थियो ।