logo-img

रुसको सिटी हलमा आतंकवादी हमला : मृतकको संख्या १४३ पुग्यो

रुसको राजधानी मस्कोको क्रोकस सिटी हलमा भएको आतंकवादी हमलामा मृत्यु हुनेको संख्या १४३ पुगेको छ । आक्रमणको झण्डै २४ घण्टापछि राष्ट्रपति पुटिनले शनिबार राष्ट्रका नाममा सम्बोधन गर्दै आज २४ मा राष्ट्रिय शोकको घोषणा पनि गरे ।

पुटिनले आक्रमणकारीले युक्रेनतर्फ भाग्न खोजेको बताउँदै उनीहरू सबै पक्राउ परेको र कडा सजाय हुने घोषणा पनि गरे । रुसले हालसम्म ११ जनालाई पक्राउ गरेको छ । जसमध्ये ४ जना आक्रमणकारी र ७ जनाले सघाइरहेको बताइएको छ । रुस–युक्रेन सीमाबाट पक्राउ परेका ११ जनालाई नै मस्को लगिएको छ ।

रुसी मिडिया हाउस आरटीको रिपोर्टका अनुसार अनुसन्धान एजेन्सीहरूले आतंकवादी हमला पूर्ण योजना बनाएर भएको बताएको छ । उक्त घटनाको जिम्मेवारी आइएसआइएसले लिएको छ ।  सेनाको बर्दी लगाएका चार आतंककारीले अन्धाधुन्ध गोली चलाए, बम फालेर भागेका थिए ।

पूर्व रूसी राष्ट्रपति तथा राष्ट्रिय सुरक्षा परिषद्का उप–अध्यक्ष दिमित्री मेदवेदेवले रुसले रगतको बदला रगतको बदला लिने बताएका छन् । आतंककारीले आतंकको भाषा मात्र बुझ्छन् । जबसम्म बल प्रयोग गरी आतंकवादीका परिवारसहित उनीहरूलाई कारबाही हुँदैन, अनुसन्धानको कुनै अर्थ छैन ।

न्यूयोर्क टाइम्सको रिपोर्टका अनुसार मार्च ७ मा रुसस्थित अमेरिकी दूतावासले ठूलो हमला हुने चेतावनी दिएको थियो । दूतावासले उग्रवादीहरूले मस्कोमा एक संगीत कन्सर्टमा आक्रमण गर्ने योजना बनाएको बताएको थियो । दूतावासले रसियामा रहेका अमेरिकी नागरिकलाई आगामी ४८ घण्टासम्म कुनै पनि ठूलो जमघटमा नजान आग्रह गरेको छ ।

यसै क्रममा पुटिनले अमेरिकी दूतावासमा भएको आक्रमणको चेतावनीको निन्दा गरेका थिए । हाल ह्वाइट हाउसका राष्ट्रिय सुरक्षा सल्लाहकार जोन किर्बीले अहिले थप जानकारी दिन नसक्ने बताएका छन् ।



मस्कोका मेयर सर्गेई सोब्यानिनले हलमा रुसी रक ब्यान्ड पिकनिकको कन्सर्ट चलिरहेको बेला आक्रमण भएको थियो । 



  • प्रकाशित मिति : चैत ११, २०८० आइतबार

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया