चलचित्र महोत्सव : हरिवंश उत्कृष्ट अभिनेता, स्वस्तिमा  उत्कृष्ट अभिनेत्री
चिसो मान्छे’ले पायो उत्कृष्ट चलचित्रको अवार्ड

‘पाँचौँ अन्तर्राष्ट्रिय सांस्कृतिक चलचित्र महोत्सव’ सम्पन्न भएको छ । तीन दिन चलेको महोत्सवमा राष्ट्रिय तथा अन्तर्राष्ट्रिय फिल्म प्रदर्शनसँगै प्यानल डिस्कसन र मास्टर क्लास समेत आयोजना भएको थियो । 

उक्त महोत्सवमा दीपेन्द्र के निर्देशित ‘चिसो मान्छे’ले उत्कृष्ट चलचित्रको अवार्ड पाएको छ । त्यस्तै, लघु चलचित्रतर्फको उत्कृष्ट अवार्ड  ‘घुर्रा’ ले प्राप्त गरेको छ । 

कार्यक्रममा ‘महापुरुष’ बाट हरिवंश आचार्यले उत्कृष्ट अभिनेताको अवार्ड पाए । उत्कृष्ट अभिनेत्रीको अवार्ड अभिनेत्री स्वस्तिमा खड्काले ‘चिसो मान्छे’बाट प्राप्त गरिन् । उत्कृष्ट निर्देशकको अवार्ड ‘महापुरुष’ कै निर्देशक प्रदीप भट्टराईले पाए । 

त्यस्तै दीपकराज गिरीले ‘छक्का पन्जा ४’ बाट उत्कृष्ट लेखक र दीपाश्री निरौलाले ‘जुरी मेन्सन अवार्ड’ प्राप्त गरे ।

कार्यक्रममा वृत्तचित्र ‘थिम’, ‘दिअर इज नो टुमारो’, ‘मकै विवाह’, ‘द गोर्खा गर्ल’, उत्कृष्ट बाल चलचित्रमा ‘ईअर्ली होम’ ले समेत अवार्ड प्राप्त गर्‍यो ।

स्पेसल जुरी मेन्सन अवार्ड ‘जर्ना’ र ‘युवराज’ ले प्राप्त गरेको कार्यक्रममा लघु चलचित्र ‘साउन्ड अफ ड्रिमिङ’ बाट चिन्तनराज भण्डारीले उत्कृष्ट छायाकारको अवार्ड पाए । 



कार्यक्रममा उत्कृष्ट राष्ट्रिय चलचित्रतर्फ १५ र अन्तर्राष्ट्रिय चलचित्रतर्फ उत्कृष्ट १५ अवार्ड वितरण गरिएको थियो । नेपाली कांग्रेसका सांसद प्रदीप पौडेल, कलाकार मिथिला शर्मा, भुवन चन्द लगायत उपस्थित थिए । 

भारतको ‘मुझे स्कुल नही जाना’, बेलायतको ‘नो फ्रिडम नो आर्ट’, बंगलादेशको ‘डियर सत्यजित’, पाकिस्तानको ‘ईन्टरभल’, बहराइनको ‘शैख अल तानवीर’, भारतको ‘शट बुट थ्री’, साउथ अफ्रिकाको ‘द लाष्ट सीड’, बेल्जियमको ‘ह्वेर ह्याभ अल द स्माईल्स गन’ ले समेत कार्यक्रममा अवार्ड प्राप्त गरेको थियो ।



महोत्सवको राष्ट्रिय निर्णायकमा कलाकार आँचल शर्मा, मोहन निरौला, सुष्मा कार्की, मोहन राई र  पत्रकार शान्ति प्रिय, जय निशान्त र सुवास प्रधान थिए । त्यस्तै अन्तर्राष्ट्रिय निर्णायकमा पोल्यान्डकी म्याग्डालेना जुज्जिक, जर्मनीकी डर्क गिल्सन, सर्बियाकी ल्जुबिन्का स्टोजानोभिक, जर्मनीका जान स्लेंक, भारतका मुश्ताक अली अहमद खान, क्रोएसियाका इभा गालोभिक, कोरियाकी मिरियम ग्लेजर  थिए ।

  • प्रकाशित मिति : चैत १९, २०८० साेमबार २३:१:५६

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया