आयरल्याण्ड विश्वस्तरीय शिक्षा र सुनौलो भविष्य सुनिश्चितताको अवसर प्रदान गर्ने प्रमुख गन्तव्यको रूपमा चिनिन्छ । सोही कारण पनि आयरल्याण्ड अन्तर्राष्ट्रिय विद्यार्थीको विकल्प बन्दै गएको छ । 

आयरल्याण्डले यहाँका प्रतिष्ठित विश्वविद्यालय र कलेजमा उच्चस्तरको शिक्षा प्रदानका साथै सांस्कृतिक विविधताका साथमा विश्वभरका विद्यार्थीलाई प्राथमिकता दिइरहेको छ  । 

उच्च शिक्षा प्राधिकरण (एचइए) द्वारा जारी गरिएको पछिल्लो तथ्यांकअनुसार, २०२१/०२२ शैक्षिक वर्षमा अन्तर्राष्‍ट्रिय विद्यार्थी करिब ३० हजार ४३७ जनाले  आयरल्याण्डलाई शैक्षिक गन्तव्यको रूपमा रोजेका थिए ।

यस वर्ष आयरल्याण्डमा अन्तर्राष्ट्रिय विद्यार्थीको उल्लेखनीय आगमन देखिएको थियो । पछिल्लो समय यो वृद्धिले उच्च शिक्षाको लागि उदीयमान हबको रूपमा आयरल्याण्डलाई हेर्न थालिएको छ ।

आयरल्याण्डमा अध्ययन गर्ने महत्वपूर्ण विशेषतामध्ये एक सूचना प्रविधि (आइटी) र कम्प्युटर विज्ञानमा विश्वस्तरीय प्रस्ताव हो । यसलाई प्रायः युरोपको ‘सिलिकन भ्याली’ भनेर परिचित गराएकाले पनि आयरल्याण्डप्रति आइटी क्षेत्रका मानिसको रुचि र चासो बढिरहेको छ ।

आयरल्याण्डले अनुसन्धान कार्यक्रम, विद्यार्थीलाई आइटी सम्बन्धित क्षेत्रमा उत्कृष्टता हासिलका लागि सही वातावरण प्रदान गरिरहेको छ । आयरल्याण्डको सरकारले अटिपिकल कार्य योजनामा हालैका समायोजनले अन्तर्राष्ट्रिय स्नातकको लागि अध्ययनपश्चात भविष्यमा विकल्प दिएर यहाँको शैक्षिक आकर्षणलाई थफ बलियो बनाएको छ ।

आयरल्याण्डमा अध्ययनका लागि सबैभन्दा बढी खोजिने पाठ्यक्रम :

सूचना प्रविधि/कम्प्युटर विज्ञान : आयरल्याण्डले कम्प्युटर विज्ञानमा व्यापक शिक्षा प्रदान गर्ने विश्व–प्रसिद्ध कलेज र विश्वविद्यालय निर्माण गरेको छ । यी कार्यक्रमबाट विद्यार्थीले सफ्टवेयर विकासकर्ता, डाटाबेस प्रशासक, वेब विकासकर्ता, र आईटी परियोजना प्रबन्धक जस्ता आकर्षक भूमिका पछ्याउन सक्छन् ।

इन्जिनियरिङ : आयरल्याण्डका सात प्रतिष्ठित विश्वविद्यालय विश्वका शीर्ष ५ सय इन्जिनियरिङ संस्थानभित्र परेका छन् । आयरल्याण्डले अमूल्य औद्योगिक प्रशिक्षण अवसर प्रदान गर्दछ । यहाँ अन्तर्राष्ट्रिय विद्यार्थीलाई इन्जिनियरिङ अध्ययन गरेर आफ्नो भविष्य सुनिश्चित निर्माणका लागि सौहार्दपूर्ण वातावरण पाइन्छ ।

वित्त : आयरल्याण्डमा वित्त पाठ्यक्रमको लोकप्रियता विभिन्न क्षेत्रमा जस्तै लेखा, लगानी बैंकिङ र वित्तीय प्रविधि (फिनटेक) मा उच्च रोजगारी पाइन्छ । त्यसैले विद्यार्थीले प्रायः प्रमुख बहुराष्ट्रीय निगम र प्रमुख लेखा फर्ममा नियुक्तिमा भविष्य निर्माण गर्न सक्छन् ।  

डाटा विज्ञान/ठूलो डाटा : डाटा विज्ञान शिक्षामा आयरल्याण्डको प्रमुखताले तथ्याङ्कविद्, डाटा विश्लेषक र ठूला डाटा इन्जिनियरको भूमिकासहित भविष्यको रेखा कोर्नमा सहयोगी भूमिका खेल्छ । विद्यार्थीले डाटा विज्ञानमा अध्ययनपश्चात आयरल्याण्डमै सुनौलो भविष्य सुनिश्चित गर्न सक्छन् । 

साइबर सुरक्षा : साइबर सुरक्षा विशेषज्ञताको बढ्दो आवश्यकतालाई ध्यानमा राख्दै आयरल्याण्डले विद्यार्थीलाई साइबर सुरक्षा विश्लेषक, आईटी सुरक्षा परामर्शदाता र पेनिट्रेसन परीक्षकका रूपमा भविष्य निर्माणमा पर्याप्त अवसर प्रदान गर्दछ ।

असाधारण शिक्षा प्रणाली, बलियो भविष्यका अवसर र स्वागतयोग्य वातावरणको साथ, अन्तर्राष्‍ट्रिय उच्च शिक्षा अध्ययनको गन्तव्य खोजिरहेका लाखौं विद्यार्थी लागि आयरल्याण्ड एउटा सुनौलो अवसर हुनसक्छ ।

शैक्षिक भिन्नता र जीवनको गुणस्तरप्रति आफ्नो प्रतिबद्धताको साथ आयरल्याण्डले सफल शैक्षिक र व्यावसायिक यात्राको ग्राफ तयार गर्न खोज्ने विद्यार्थीलाई आकर्षित गर्न पूरा तयारी अवस्थामा राखिरहेको छ ।