स्वीडेनको संसदले बुधबार नयाँ कानुन अनुमोदन गरेको छ । नयाँ कानुन अनुमोदन भएसँगै अब स्वीडेनमा लिङ्ग परिवर्तन गर्ने उमेर पनि घटाइएको छ । 

यसअघि १८ वर्षको उमेरपछि मात्रै लिङ्ग परिवर्तन गर्न पाइने व्यवस्था रहेकोमा नयाँ कानुन परिवर्तनका लागि प्रक्रिया सुरु गर्न १६ वर्ष पुग्नु पर्नेछ । तर, १८ वर्ष मुनिका युवाले लिङ्ग परिवर्तन प्रक्रिया सुरु गर्नुअघि परिवारका सदस्य, चिकित्सक र राष्ट्रिय स्वास्थ्य तथा कल्याण बोर्डको स्वीकृति लिनुपर्नेछ ।

बुधबार स्वीडेनको संसदमा यस कानुनमाथि मतदान नै भएको थियो, जसमा २ सय ३४ सांसदले कानुनको पक्षमा मतदान गरेका छन् । ९४ सांसदले भने विपक्षमा मतदान गरे । यस्तै, २१ सांसद मतदान प्रक्रियामै सामेल भएनन् ।

स्विडेनी सरकारका उदारवादी नेता र दलले यो कानुनलाई समर्थन गरिरहेका छन् । यस्तै, केही क्रिश्चियन डेमोक्र्याटले यसको विरोध गरिरहेका छन् । 

स्वीडेनको दक्षिणपन्थी पार्टी मानिने स्वीडेन डेमोक्र्याटले पनि कानुनको विरोध गरेको छ । यो पार्टी सरकारलाई समर्थन गर्छ तर सरकारको पक्षमा छैन ।