Sun, 16 Jun, 2019


मेडिकल कलेजको शुल्कबारे संसदीय उपसमितिले थाल्याे छानबिन, १५ दिनभित्र उजुरी दिन आह्वान
फरकधार / चैत २८, २०७५

काठमाडौं– मेडिकल कलेजको शुल्क विवादबारे छानबिन गर्न बनेको संसदीय उपसमितिले काम थालेको छ । स्वास्थ्य समितिअन्तर्गत सुरेशकुमार राईको संयोजकत्वमा गठित उपसमितिले छानबिन सुरु गरेको हो ।



बिहीबार सार्वजनिक सूचना निकालेर उपसमितिले सम्बन्धित मेडिकल कलेजमा अध्ययनरत विद्यार्थी, अभिभावक, जनप्रतिनिधि तथा अन्य सरोकारवालालाई कलेजले मर्का पर्ने गरी कुनै क्रियालकलाप गरेको भए वा कलेजले लिइरहेको शुल्कलगायतका विषयमा कुनै गुनासो वा उजुरी भए १५ दिन भित्र पठाउन भनेको छ । 

उपसमितिले छानबिनका लागि शिक्षा मन्त्रालय, त्रिभुवन विश्वविद्यालय र काठमाडौं विश्वविद्यालय र सम्बन्धन पाएका मेडिकल कलेजबाट विवरण र आवश्यक कागजात मगाएको छ ।

सरकारले एमबिबिएस अध्यययन गर्न उपत्यकाभित्र ३८ लाख ५० हजार र उपत्यकाबाहिर ४२ लाख ४५ हजार, बिडिएसतर्फ १९ लाख ३२ हजार ६ सय १२ रुपैयाँ शुल्क तोकेकोमा केही निजी मेडिकल कलेजले विद्यार्थीसँग ६० लाखसम्म शुल्क लिएको भन्दै विवाद सुरु भएकाे थियाे । गण्डकी मेडिकल कलेजबाट सुरु भएको विद्यार्थी आन्दोलनले देशव्यापी बहस निम्त्याएपछि संघीय संसद्को स्वास्थ्य समितिले छानबिनका लागि उपसमिति बनाएको हो । 


यो सामाग्री सेयर गर्नुहोस्


यो पनि नछुटाउनुहोस्