logo-img

सेयर बजारमा ८.२६ अंककाे वृद्धि, कारोबार रकममा सुधार

साताको पहिलो दिन सेयर बजारमा सुधार छ । परिसूचक ८.२६ अंकले बढ्दै १९७४.५० विन्दुमा बन्द भएको छ । ७८ लाख ५७ हजार ३१ कित्ता सेयर ३ अर्ब १५ करोड ५१ लाख रुपैयाँमा किनबेच भएको छ । 

१३ उपसमूहमा फाइनान्स, होटल तथा पर्यटन र लघुवित्तबाहेक सबैमा बढोत्तरी हुँदा परिसूचक सकारात्मक देखिएको हो । निर्जीवन बिमा २.६४ प्रतिशत र उत्पादन तथा प्रशोधन उपसमूह १.४९ प्रतिशतले बढेका छन् ।

१२७ कम्पनीको सेयरमूल्य बढेको छ भने १११ कम्पनीको घटेको छ । ७ कम्पनीकाने सेयरमूल्य स्थिर रह्यो । सर्वाधिक कारोबार हुनेमा सांग्रिला विकास बैंक छ । उक्त बैंकको १० करोड ५ लाखको सेयर किनबेच भएको छ । 

पोखरा फाइनान्स ८ करोड ६ लाख, सोनापुर मिनरल्स ७ करोड ७१ लाख र शिवम् सिमेन्ट ७ करोड ७१ लाख रुपैयाँको सेयर किनबेच भएको छ । 

आइतबार सृजनशील लघुवित्तको सेयरमूल्य बढेर सकारात्मक सर्किट लाग्दा लगानीकर्ता फाइदामा रहे । उन्नति सहकार्य लघुवित्त, युनाइटेड अजोड इन्स्योरेन्स, हिमालयन एभरेस्ट इन्स्योरेन्सलगायत बढ्नेको सूचीमा छन् ।





  • प्रकाशित मिति : वैशाख ३०, २०८१ आइतबार

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया