अल्पमतमा परेका मधेस प्रदेशका मुख्यमन्त्री सरोजकुमार यादवले आइतबार मन्त्रिमण्डल पुनर्गठन गरेका छन् । 

राज्यमन्त्रीसहित एमाले माओवादीका आठजनाले आइतबारै राजीनामा दिएका थिए । एमाले र माओवादी केन्द्रका मन्त्रीहरूले राजीनामा गरेलगत्तै जसपा नेपालबाट मुख्यमन्त्री बनेका यादवले मन्त्रिमण्डल पुनर्गठन गरेका हुन् । 

एमाले र माओवादीले छाडेका मन्त्रालयको जिम्मेवारी मुख्यमन्त्री आफैँले राखेर मन्त्रिमण्डल पुनर्गठन गरेका हुन् । 

मुख्यमन्त्रीको साथमा नेकपा एकीकृत समाजवादी मात्र रहेको छ । उनले अब ३० दिनभित्र विश्वासको मत लिनुपर्ने हुन्छ । यादव अल्पमतमा परिसकेकाले उनले विश्वासको पाउने सम्भावना न्यून छ ।