Sun, 16 Jun, 2019


आलियाले भोट हाल्न पाउँदिनन् भारतीय लोकसभा निर्वाचनमा
फरकधार / बैशाख २, २०७६

एजेन्सी– अहिले भारत पूरै निर्वाचनमय भएको छ । तर, बलिउडका केही अभिनेता तथा अभिनेत्रीले भारतीय लोकसभा निर्वाचनमा भोट हाल्न पाउँदैनन् । त्यसैले यस्ता समाचार पनि भारतीय मिडियामा आउन थालेका छन् । अहिलेको निर्वाचनमा भोट हाल्न नपाउनेमध्ये एक कलाकार हुन्, आलिया भट्ट । 



इन्डिया टुडेसँगको एक अन्तर्वार्तामा आलियाले यो खुलाएकी हुन् । उनले भनिन्, ‘म भोट गर्न सक्दिनँ, यसको कारण चाहिँ मेरो पासपोर्ट हो ।’ यसअघिको लोकसभा निर्वाचनमा पनि आलियलाई यही कुरा सोधिएको थियो । त्यतिबेला उनले दोहोरो नागरिकता लिने बताएकी थिइन् । तर, भारतमा दोहोरो नागरिकताको प्रावधान नै छैन । अहिले आलियासँग बेलायती नागरिकता भएकाले उनले भारतीय लोकसभा निर्वाचनमा भोट हाल्न नपाउने भएकी हुन् । उनकी आमा सोनी राजदान बेलायती नागरिक भएकाले आलियाले भारतीय राहदानी लिनुभन्दा अगाडि नै बेलायती राहदानी लिएकी थिइन् । 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्