logo-img

दश महिनामा करिब २१ अर्ब राजस्व सङ्कलन
फाइल तस्बिर

नवलपरासी (बर्दघाट–सुस्तापूर्व)मा चालु आर्थिक वर्षको १० महिनामा करिब २१ अर्ब रुपैयाँ राजस्व सङ्कलन भएको छ । 

कोष तथा लेखा नियन्त्रक कार्यालयका अनुसार जिल्लामा रहेका सङ्घीय सरकार र प्रदेश सरकार मातहतका कार्यालयले १० महिनाको अवधिमा २० अर्ब ९५ करोड ८७ लाख ६४ हजार चार सय ५० रुपैयाँ राजस्व सङ्कलन गरेका हुन् । 



कोष तथा लेखा नियन्त्रक कार्यालय नवलपुरका सूचना अधिकारी कोष नियन्त्रक जीतनारायण महतोले जिल्लामा सङ्कलन भएको राजस्वमध्ये सङ्घीय सरकारलाई जाने राजस्वतर्फ २० अर्ब ५० करोड ६९ लाख ५५ हजार सात सय ७९ रुपैयाँ एवं गण्डकी प्रदेश सरकारको खातामा दाखिला हुने ४५ करोड १८ लाख आठ हजार छ सय ७९ रुपैयाँ सङ्कलन भएको जानकारी दिए ।

आन्तरिक राजस्व कार्यालय कावासोतीले २० अर्ब ३३ करोड ८० लाख ९७ हजार सात सय ३२ रुपैयाँ राजस्व सङ्कलन गरेको महतोले जानकारी दिए । यसैगरी, सङ्घीय सरकारलाई जाने राजस्वतर्फ जिल्ला प्रशासन कार्यालय नवलपुरले आठ करोड ३९ लाख ५१ हजार एक सय २० रुपैयाँ, जिल्ला ट्राफिक प्रहरी कार्यालय नवलपुरले दुई करोड ४२ लाख एक हजार सात सय ११ रुपैयाँ, जिल्ला अदालत नवलपुरले एक करोड ५७ लाख ७७ हजार सात सय ९९ रुपैयाँ, त्रिवेणी भन्सार कार्यालयले एक करोड ५८ लाख ५१ हजार छ सय ४७ रुपैयाँ राजस्व सङ्कलन गरेका महतोले बताए । 

जिल्लास्थित गण्डकी प्रदेश सरकार मातहतका कार्यालयमध्ये यस वर्षको वैशाख मसान्तसम्ममा यातायात व्यवस्था कार्यालयले २५ करोड ६९ लाख ३९ हजार दुई सय २७ रुपैयाँ, मालपोत कार्यालयले १२ करोड ९१ लाख ६१ हजार छ सय २७ रुपैयाँ,  डिभिजन वन कार्यालयले चार करोड ५२ लाख ८१ हजार आठ सय ५४ रुपैयाँ राजस्व सङ्कलन गरेका छन् ।  





  • प्रकाशित मिति : जेठ ४, २०८१ शुक्रबार ९:१२:३८

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया